Myndverk:

Lífstíðareign

Við prentum myndirnar á fyrsta flokks prentefni úr hágæða prentara með litarefni sem endist í 100+ ár. Þá erum við með innrömmunarþjónustu til að skila myndverkum tilbúnum til að hengja upp á vegg.

Upp↑

Klassískar stækkanir með sýrufríu kartoni/passe-partout

Mismunandi hlutföll á myndum: Lóðréttar/láréttar | Ferningslaga | Ílangar

1. Standard - passar í hefðbundna ramma

2. Ferningslaga - passar í ferningslaga ramma

3. Ílangar / panórama - passar í lengri ramma

4. Margar saman - 2-5 myndir saman í ramma

5. Risamyndir. Hafið bara samband.

Stækkanir eru afhentar tilbúnar með sýrufríu kartoni sem verndar myndina. Kartonin passa beint í algengustu rammastærðir.

Upp↑

Bainbridge Nielsen

Nielsen Quadrum - Vandaðir myndarammar úr gegnheilum viði.

Rammarnir eru frá Nielsen Bainbridge einum stærsta rammaframleiðanda í heimi.

Ferkantaður prófíll.

Til í eftirfarandi tónum:

• Lútaðir (hvíttaðir) - með viðaráferð

• Svartir - lakkaðir

• Sérpöntun

  • Eik - viðaráferð

  • Hvítir - lakkaðir

Nú getum við líka boðið upp á sérskornar stærðir t.d. fyrir panorama myndir í mismunandi hlutföllum.

Upp↑

Tímalausar strigamyndir fyrir hlýleg heimili.

Við notum vandaðan striga úr náttúrulegri bómull með fljótandi lamineringu, strekkt á blindramma með upphengjum. Prentað á hágæða prentara með endingargóðu bleki.

• Strigamyndir eru ekki í stöðluðum stærðum heldur er það myndin sem ræður því hvað hentar best.

• Stærðir hlaupa á 5 cm.

• Best er að mæla veggplássið með málbandi og senda svo fyrirspurn á okkur.

• Myndirnar skerast mismunandi þannig að þið hugið að hlutföllum.

  • Lóðréttar eða láráttar | 2:3 eða 3:4 format

  • Ferningslaga | 1:1 format

  • Ílangar - Panórama | 2:1 / 2,5:1. / 3:1 format

• Hægt er að fá stærri myndir en er í verðlista. Hafið bara samband.

• Blindramminn er 20mm. Hægt er að fá þykkari blindramma 45mm og þá bætist 20% við verðið.

ATH hvernig hlutföll henta best fyrir myndina - hafið samband ef þið eruð í vafa!

Flotrammar fyrir strigamyndir

Vegleg framsetning

Flotrammi gerir strigamyndirnar enn veglegri. Sérstaklega þegar um stærri myndir er um að ræða.

Vinsælast: Grannur flotrammi

• Lútaður (hvíttaður með viðaráferð) - í sama tón og “Antique” myndirnar

• Hvítur lakkaður

• Svartur með viðaráferð

• Svartur lakkaður

• Ýmsir aðrir prófílar! Kíkið við til að skoða úrvalið.

Vintage

Nýtt - Strigamynd á álplötu með “Vintage” viðarramma

Ný framsetning - sama verð og strigamynd með flotramma.

Fyrir lykilmyndir í stærri kantinum gæti þessi nýja framsetning hentað sumum heimilum. Hágæða útprentun á bómullarstriga með hlífðarhimnu í klassískum viðarramma gefur myndunum listrænt yfirbragð.

Vintage viðarrammar:

• Klassískur “ljós Vintage” viðarrammi

• Klassískur “dökkur Vintage” viðarrammi

Upp↑

A: Glerfrítt og glampalaust.

Stílhrein framsetning fyrir nútímaleg heimili.

Í stað glers er límd hlífðarfilma yfir myndina til að verja hana óhreinindum og ágangi tímans. 

1. Fyrst er myndin prentuð á hágæða ljósmyndapappír.

2. Þá er hún límd á álplötu sem er stíft og endingargott efni.

3. Síðan er hún lamineruð með filmu sem ver myndina.

4. Loks er hún römmuð inn í álramma með upphengjum.

Rammaefnið er til í nokkrum litum: Svart, dökkgrátt, ljósgrátt, hvíttað og hvítt ásamt nokkrum viðarlitum.

Álmyndir eru ekki í standard stærðum heldur hlaupa á 5 cm.

Hægt er að fá stærri myndir en er í verðlista. Hafið bara samband.

Myndaveggur!

Þarftu aðstoð við að setja upp myndavegg?

Margir viðskiptavina okkar koma aftur og aftur og myndirnar safnast upp. Hvað á svo að gera við alla þessar flottu myndir?

Þið getið sent okkur mynd af veggnum ykkar og við setjum upp skissur þannig að þið sjáið hvernig veggurinn gæti litið út

Hvað á myndin að vera stór?

Þegar stórt er spurt…?

Gamalt húsráð er að setja málningarteip, eða annað límband sem skilur ekki eftir sig lím, fyrir útlínurnar. Þá er auðveldara að sjá fyrir sig hvaða stærð hentar rýminu best!

Prentverk:

Með prentverkum varðveitum við minninguna um þessi einstöku tímabil í lífi barnanna ykkar.

• Dagatöl - Minningar alla daga ársins.

• Myndabækur - Eigulegar innbundnar myndabækur eru lífstíðareign.

• Tækifæriskort - Til að kasta kveðju á sína nánustu og þakka fyrir sig.

• Stafrænar myndir - Til að eiga og deila.

• Gjafavara - Persónulegri og endingarbetri gjafir eru vandfundnar.

Full þjónusta: Við eru með áratuga reynslu af myndvinnslu og hönnun. Fólk kemur til okkar til að fá toppmyndir og FULLA ÞJÓNUSTU og þarf ekki að þeytast út um borg og bý til að leita að öðrum lausnum.

Sérhannaðar bækur í einu eintaki!

Innbundin myndabók með 10, 20 myndum eða eins mörgum og þið viljið :-)

Það má velja fleiri myndir í bókina en það sem er innifalið. Aukamyndir í bækur eru ódýrustu útprentanirnar.

Myndabækurnar er sérhannaðar fyrir hvern og einn.

Myndirnar eru ca 11x16 cm. Það fer þó eftir hlutföllum, lóðrétt, lárétt, ferkantað eða heil opna. 

Myndabók er eiguleg minning og fyrirtaks gjöf. Þær henta fyrir nýbura, barna-, fermingar-, stúdenta- og fjölskyldumyndatökur.

20% afsláttur af aukabókum…

Upp↑

Dagatöl eru góð fyrir alla daga ársins…

3 gerðir af dagatölum með myndum úr myndatökunni. Lágmark 12 góðar myndir.

• Dagatal A3 lárétt - Með stærri myndum en minna mánaðartali

• Dagatal A4 lóðrétt - Með stærri myndum en minna mánaðartali

• A4 Reitadagatal - Með reitum til að skrifa athugasemdir.

Það er hægt að setja mynd og texta í reitina t.d. af börnunum á tilteknum afmælisdegi.

Upp↑

Jólakort, boðskort, þakkarkort og fleira.

Þið veljið myndir og sendið texta fyrir forsíðu og innsíðu.

PS: Það er hægt að prenta nafn og heimilisfang á umslög út frá lista í Excel.

Upp↑

Net-upplausn - 1.600pixlar / 10x15cm

Stafrænar myndir í stærð 10x15cm eða 1.600 pixlar svokölluð netupplausn / skjáupplausn.

Með "unnum" myndum er átt við að þær eru skornar til og yfirfarnar, sár og marblettir fjarlægðir o.fl.

Ef myndatakan heppnast vel getið þið fengið fleiri myndir umfram það sem er innifalið í myndatökunni.

Hægt er að fá stærri fæla eða allt að A3+ stærð sem er ca 5.000 pixlar eða fyrir stækkanir 40x60cm og enn stærri. Sjá “Prentleyfi”

Þið getið líka fengið auka “stafræn eintök” sem eru ekki í bók.

Upp↑

Prent-upplausn - Full upplausn til að prenta stórar myndir

Með "Prentleyfi" getið þið unnið sjálf úr myndunum (til eigin nota).

Fælarnir eru þá afhentir í hærri upplausn en það sem er innifalið. Það getur verið allt frá miðlungs stækkunum upp í risamyndir.

Það eru kostir og gallar sem fylgja því. Það getur kostað minna, sérstaklega ef þið viljð prenta margar eins myndir, en á móti kemur að þá hef ég minni stjórn á lokaútkomu. Myndir eru í raun ekki fullunnar nema þegar það er búið að prenta og setja í karton eða ramma. Til þess er fagfólkið…

Gjafabréf fyrir myndatöku.

Gjafakort í myndatöku er tilvalið sem jóla- afmælis- eða tækifærisgjöf. Litlir sem stórir pakkar í boði. Móttakandi getur uppfært í stærri pakka ef hann vill!

Myndatökur fara svo fram þegar það hentar viðtakanda.

Hægt er að velja úr ýmsum myndatökutilboðum eða velja ákveðna upphæð:

Fagmennska tryggir gæðin

Jón Páll ljósmyndari byrjaði að framkalla filmur og stækka á pappír í menntaskóla 1985, þá 18 ára, og hefur verið að búa til myndir síðan eða í 35 ár. Fullkomnunarárátta ljósmyndara sér um að útprentun, innrömmun og frágangur er ætíð fyrsta flokks.

Veggmyndirnar eru prentaðaðar hjá okkur í bestu fáanlegu prentgæðum á 8 lita Epson P8000 stórformat-prentara.

Superprent.is er systurfyrirtæki okkar sem sér um stærri myndverk og innrömmun.