Veggdjásn!

Er eitthvað fegurra en ásjónur barnanna ykkar?

• Að myndatöku lokinni er hægt að vinna úr myndunum á fjölbreyttan hátt:

  • Sumar myndir gætu átt heima í myndabókum sem varanlegar minningar um viðburði í lífi barnanna ykkar.

  • Nokkrar myndir gætu komið vel út sem stækkanir og til að gefa þínum nánustu!

  • Þið fáið myndskrár til að eiga og deila en myndir í skýinu geta gleymst eða jafnvel týnst.

  • En ekki gleyma því mikilvægasta - sjálf veggdjásnin! Bestu myndirnar gætu nefnilega orðið að listaverki með djásnunum ykkar.

• Veggdjásn er myndverk af djásnunum ykkar - börnunum.

• Persónuleg fjölskyldulist og handverk sem endist ævilangt.

• Þið fjárfestið í varanlegum minningum um viðburði og tímabil í lífi barnanna ykkar - tími sem kemur aldrei aftur.

• Þið sendið börnunum skýr skilaboð um hvað þau skipta ykkur miklu máli. Þið elskið þau - alla daga ársins.

• Segðu já við listaverki af börnunum, makanum og fjölskyldunni þinni. Þannig verður heimilið ykkar persónlegra og fegurra sem aldrei fyrr!

Veggdjásn fyrir öll ástrík heimili

Ef þið eigið erfitt með að ákveða hvaða mynd kæmi best út eða velja rétta framsetningu og stærð þá endilega hafið samband og við aðstoðum ykkur. Ekkert veitir okkur meiri ánægju en að hjálpa ykkar við að eignast veglegt veggdjásn til að prýða heimilið ykkar með.

Eruð þið með vegg sem þarfnast upplyftingar?

Framsetning sem hentar stærri lykil-myndverkum.

Útkoman verður meira í átt við gömul málverk en þau voru oft máluð á plötur í stað striga og strekkt á blindramma. Þessi framsetning er í öðrum klassa.

Besta ljósmyndin úr myndatökunni er prentuð á hágæða bómullar-striga og límd beint á álplötu. Hún er síðan lökkuð með UV-glæru til að vernda prentflötinn. Klassískur “Vintage” viðarrammi gefur myndunum listrænt yfirbragð.

Innrömmun er innifalin í verði. Í boði er annað hvort:

• Ljós / hvíttaður “Vintage” viðarrammi

• Dökkur / svartbrúnn “Vintage” viðarrammi

Skýring:

Þetta er ný framsetning sem ég hef þróað sjálfur. Ég veit ekki til þess að það sé nokkur annar ljósmyndari sem prentar út og rammar inn ljósmyndir með þessu hætti. “Meistaraverkið” er listrænt handverk unnið með augum og alúð meistarans.

Þessi veglega framsetning hentar öllum ástríkum heimilum.

Fegraðu heimilið með djásnunum þínum.

A: Álmynd með álramma

Glerfrítt og glampalaust.

Í stað glers er límd UV-hlífðarfilma yfir myndina til að verja hana óhreinindum og ágangi tímans.

1. Fyrst er myndin prentuð á hágæða ljósmyndapappír.

2. Þá er hún límd á álplötu sem er stíft og endingargott efni.

3. Síðan er hún lamineruð með UV filmu.

4. Loks er hún römmuð inn í álramma með upphengjum.

5. UV filman ver myndina fyrir útfjólubláum geislum sem upplita myndir og svo eru auðvelt að strjúka af henni með klút.

6. Stærðir hlaupa á 5 cm.

Álrammar litir:

• Svört viðaráferð

• Dökkgrátt

• Ljósgrátt

• Hvít viðaráferð

• Hvítt lakk

• Svart glansandi

B: Fljótandi álmynd

Rammalaus fljótandi framsetning.

1. Mynd prentuð á vandaðan ljósmyndapappír.

2. Myndin er límd á álplötu

3. Lamineruð með hlífðarfilma.

4. Bakrammi er á bakinu þannig að myndin “flýtur” aðeins frá vegg.

Hægt er að fá stærri myndir en er í verðlista. Hafið bara samband.

Álmyndir eru sérunnið handverk og lífstíðareign.

Strigamyndir af djásnunum þínum

Við notum vandaðan striga úr náttúrulegri bómull. Striginn er lakkaður með fljótandi UV-glæru til að loka litarefni og verja myndina ágangi tímans. Prentað á hágæða prentara með endingargóðu bleki. Strekkt á blindramma og kemur með upphengjum.
Til að lyfta myndverkinu enn meir geturðu fengið sérsmíðaðan flotramma með.

• Strigamyndir eru ekki í stöðluðum stærðum heldur er það myndin og plássið sem ræður!

• Stærðir hlaupa á 5 cm.

• Best er að mæla veggplássið með málbandi til að ákveða stærð áður en þið pantið.

• Myndirnar skerast mismunandi þannig að þið skulið huga að hlutföllum.

  • Láréttar eða lóðréttar!

  • Ferningslaga!

  • Ílangar - Panórama!

Flotrammar og innrömmun:

Sérvaldir og sérskornir flotrammar fyrir strigamyndir

Flotrammi gerir vandaðar strigamyndir enn veglegri. Sérstaklega þegar um stærri myndir er um að ræða.

Grannur flotrammi er vinsælasti profíllinn.

Flotrammaefni fæst í nokkrum litum:

• Lútaður/hvíttaður með mattri viðaráferð - smellpassar við minn drappleita stíl.

• Svartur með mattri viðaráferð

• Hvítur lakkaður

• Svartur lakkaður

• Ýmsir aðrir prófílar! Kíkið við til að skoða úrvalið.

Með veglegum flotramma lyfturðu börnunum á enn hærra plan…

Útprentun á ljósmyndapappír - Stækkanir

Stílhrein framsetning og gott verð.

Stækkanir eru afhentar tilbúnar með sýrufríu kartoni (passepartout) sem verndar myndina. Kartonin passa beint í algengustu rammastærðir.

1. Stærri innrömmuð myndverk eða margar myndir saman á vegg. Sérvinnsla. Hafið samband varðandi útfærslu!

2. Staðlaðar stærðir - passar í hefðbundna ramma.

3. Ferningslaga - passar í ferningslaga ramma.

4. Ílangar / panórama - gæti þurft sérskorinn ramma og karton!

5. Margar saman - 2-5 myndir saman í ramma.

Athugið að myndir eru í mismunandi hlutföllum: Lóðréttar/láréttar | Ferningslaga | Ílangar!

Stækkanir afgreddar með sýrufríu kartoni í plastvasa eru vinsæl og persónuleg gjöf til ykkar nánustu. Viðtakandi þarf þá að versla sér hefðbundna ramma eftir hentugleika.

Tilbúnir rammar

Vandaðir rammar - staðlaðar stærðir - gott verð

Vandaðir myndarammar úr gegnheilum viði.

Ferkantaður prófíll - margar rammastærðir.

Til í eftirfarandi tónum:

• Lútaðir/hvíttaðir með viðaráferð - smellpassar við minn drappleita stíl.

• Svartir - lakkaðir

Rammarnir eru frá Nielsen Bainbridge einum stærsta rammaframleiðanda í heimi.

Myndabækur fyrir varanlegar minningar

Eiguleg myndabók í einu eintaki með fjölda mynda. Sérhannað fyrir hverja fjölskyldu.

• Það má velja fleiri myndir í bókina umfram það sem var innifalið í myndatökunni.

• 10+, 20+ eða með eins mörgum myndum og þið viljið :-)

  • Vinsælast er 20x20 bók með litprentari kápu með mynd, nafni og t.d dagsetningu ef tengt viðburði.

  • Fæst einnig í stærra formi 30x30 og þá með fleiri myndum

  • Svo eru líka hægt að fá látlausari bók 20x20 með svartri eða hvítri harðspjaldakápu.

• Myndirnar eru ca 11x16 cm. Það fer þó eftir hlutföllum, lóðrétt, lárétt, ferkantað eða heil opna. Stærri í 30x30 bók.

• Þær henta fyrir nýbura, barna-, fermingar-, stúdenta- og fjölskyldumyndatökur.

• Aukamyndir í bækur eru ódýrustu útprentanirnar og þeim fylgir líka stafrænar myndskrár í net-upplausn.

• 20% afsláttur af aukabók ef pöntuð á sama tíma.

Myndabók er eiguleg minning og fyrirtaks gjöf.

Net-upplausn

Til að eiga og deila

Stafrænar myndir í netupplausn fylgja myndatökum.

Stærðin samsvarar 10x15cm í prentun eða 1.600 pixlar í skjáupplausn.

Með "unnum" myndum er átt við að þær eru skornar til og yfirfarnar, sár og marblettir fjarlægðir o.fl.

Ef myndatakan heppnast vel getið þið fengið fleiri myndir umfram það sem er innifalið í myndatökunni.

Þið getið líka fengið auka “stafræn eintök” sem eru ekki í bók.

Hægt er að fá stærri fæla eða allt að A3+ stærð sem er ca 5.000 pixlar eða fyrir stækkanir 40x60cm og enn stærri. Sjá “Prentleyfi”

Prentleyfi

Ef þið viljið vinna úr myndum sjálf!

Með "Prentleyfi" getið þið unnið sjálf úr myndunum (til eigin nota).

Myndskrárnar (fælarnir) eru þá afhentir í hærri upplausn en það sem er innifalið. Þannig getið þið látið prenta og ramma inn fleiri myndir. Það getur verið allt frá miðlungs stækkunum upp í risamyndir.

Það eru kostir og gallar sem fylgja því. Það getur kostað minna, sérstaklega ef þið viljð prenta margar eins myndir, eða velja aðra framsetningu en ég býð uppá. Á móti kemur að þá hef ég minni stjórn á lokaútkomu. Myndir eru í raun ekki fullunnar fyrr en listamaðurinn er búin að fullvinna myndirnar, prenta, ramma inn fullunnið sem listaverk.

Til þess er jú fagfólkið…

Af hverju að velja tilbúin innrömmuð veggdjásn framyfir myndskrár?

Þú ættir síður að fókusa á stafrænar myndskrár sem þú þarf að undirbúa sjálf, senda í prentun, bíða eftir, sækja, sitja föst í umferð, fara með í innrömmun, sitja aftur föst í umferð, bíða aftur, sækja aftur svo þú getir loks sett myndina upp á vegginn heima hjá þér…!

Láttu okkur fókusa á myndvinnsluferlið með fullkominni prent- og innrömmunaraðstöðu á ljósmyndastofunni okkar. Við bjóðum fullsköpuð myndverk þannig þú þarft ekki að standa í einhverju veseni.

Margir ætla sér að láta prenta og ramma inn sjálfir, en raunin er sú að ferlið er tímafrekt og flókið. Frá því að velja rétta pappírinn yfir í að finna ramma sem passar, pússa glerið og hugsa um öll smáatriðin – þetta er hellings vinna með miklum tilkostnaði og það þarf góða aðstöðu.

Það sem gerist hjá flestum er að þetta verður útundan í öllu amstrinu og svo gerist ekkert meir. Veggirnar standa auðir, myndirnar verða engum til gleði og það er ekkert minnst á fallegu börnin ykkar.

Ég nota fyrsta flokks prentefni og hágæða prentara, 8 lita Epson P8000 með litarefni sem endist í 100+ ár. Þú færð bestu útgáfuna af myndverkinu hjá myndlistarmanninum sjálfum ekki satt? Handverkið er punkturinn yfir i-ið og þið eignist veggdjásn með djásnunum ykkar.

Látið okkur um myndvinnsluna til að þið losnið við allt vesenið.

Hvað á myndin að vera stór?

Gamalt húsráð er að setja málningarteip, eða annað límband sem skilur ekki eftir sig lím, fyrir útlínurnar. Þá er auðveldara að sjá fyrir sig hvaða stærð hentar rýminu best sérstaklega þegar um stærri lykil-verk er að ræða.

Persónulegri listaverk eru vandfundin

Þarftu aðstoð við að setja upp fjölskyldu-myndavegg?

Smelltu á myndina til að fá hugmyndir að uppröðun og innblástur að því hvernig þinn fjölskylduveggur gæti litið út!

Þið getið sent okkur mynd af veggnum ykkar og við setjum upp skissur þannig að þið sjáið hvernig veggurinn gæti litið út áður en búið er að setja nagla í vegginn.

Fegraðu heimilið með myndverkum af börnunum þínum

10 góðar ástæður til að koma með fjölskylduna í myndatöku:

1. Þið eignist einstök listaverk af fjölskyldunni ykkar.

2. Myndverk og prentmunir eru lífstíðareign.

3. Þið varðveitið ómetanlegar minningar um viðburði og tímabil í lífi barnanna, tími sem kemur aldrei aftur.

4. Notið tækifærið og fegrið heimilið með myndum af mikilvægasta fólki í heimi - börnunum ykkar.

5. Þið sendið börnunum ykkar skýr skilaboð um það hvað þau skipta ykkur miklu máli - við elskum ykkur.

6. Þið eruð þátttakendur í listrænu ferli sem er í senn skapandi, spennandi og skemmtilegt.

7. Þið getið fengið margar gerðir myndverka og prentmuna úr einni myndatöku - allt eftir ykkar þörfum.

8. Fjölskyldumyndir kosta minna en ýmsar fjöldaframleiddar vörur sem veita ykkur takmarkaða ánægju og endast stutt!

9. Myndir í “skýinu”! Hvað endast þær lengi og hvað verður um símamyndir í framtíðinni?

10. Eru börnin ekki merkilegasta og mikilvægasta sköpun ykkar. Þau eru fallegustu djásnin til að setja á veggina ;-)

Fjárfestu í fjölskyldulist!